Kvenfélag Garðabæjar

Senn líður að næsta félagsfundi sem er jólafundurinn okkar en hann verður að Garðaholti þriðjudaginn 6. desember kl. 20:00.
Á fundinn fáum við góða gesti sem kannski eiga það sameiginlegt að geta fengið okkur til að brosa, þó ekki væri nema út í annað  - Gunnar Einarsson bæjarstjóri ætlar að segja okkur frá því sem er efst á baugi í málefnum bæjarins. Þá mun sr. Jóna Hrönn Bolladóttir lesa upp úr bók sinni og sr. Bjarna Karlssonar „ Af heilum hug“ en í bókinni segja þau frá sjálfum sér og lífsskoðunum sínum. Að síðustu munu þau Stefán Helgi Stefánsson tenór og Margrét Sesselja Magnúsdóttir kynna fyrir okkur áhugavert verkefni, en þau hafa að undanförnu heimsótt heimili heilabilaðaðra þar sem Stefán hefur sungið sig inn í hug og hjörtu áheyrenda.
Í kaffinefnd eru hverfi 7, 8, 9, 13 og 14.
Kæru félagskonur ! Tími aðventunnar er runninn upp. Gefum okkur tíma í amstri dagsins til þess að eiga saman góða stund á Holtinu.

Minnum á að Fundasölunefnd verður með söluvörur á fundinum.

Aðventumessa verður í Garðakirkju sunnudaginn 27. nóvember nk. kl. 14:00. Að venju taka félagskonur þátt í messugjörðinni. Millý Svavarsdóttir og Helga Friðriksdóttir fara með ritningarorð og ræðumaður verður Nanna Helgadóttir. Þá mun formaður tendra ljós spádómskertisins á aðventukransinum.
Félagskonur eru hvattar til þess að mæta til kirkju og njóta stundarinnar við við upphaf jólaföstu.